Plantun de Prouvènço

Pèr coumpara dos planto d'encò nostre

Urtica urens & Sphenopus divaricatus

Ourtigo-brulanto

Urtica urens

Urticaceae

Àutri noum : Ourtigo-menudo, Urtìo-greiseisso, Ourtigo.

Noms en français : Ortie brûlante, Petite Ortie.

Descripcioun :
Aquesto ourtigo se destrìo de la mai coumuno (l'ourtigano) qu'èi bèn mai pichoto, si fueio soun tant largo que longo e fai de flour en grapo simplo e pas tant longo. L'ourtigo-menudo se derraba eisamen qu'es uno planto annalo au contro de U. dioica.

Usanço :
Coume devès lou saupre, li jouìni fueio d' ourtigo soun bono à manja, un pau coume d'espinarc, mai peréu en soupo, purèio, ensalado. L'ourtigo-menudo èi vertuouso contro li proublèmo de ren e li mau d'os (tisano vo loucioun). A passa tèms se dounavo i gabre (M.) e i galino. A Bedouin, se fasié uno maceracioun d'ourtigo pèr lucha contro li nieroun ço que se fai tourna mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Urtica
Famiho : Urticaceae

Ordre : Rosales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1700 m
Aparado : Noun

Liò : Escoumbre e proche dis oustau - Champ
Estànci : Pancaro entresigna
Couroulougi : Pancaro entresigna
Ref. sc. : Urtica urens L., 1753

Sfenope

Sphenopus divaricatus

Poaceae Graminaceae

Nom en français : Sphénope.

Descripcioun :
Aquéu pichot gramenun prim trachis en ribo de sansouiro e dins li pelouso salado pas trop liuen de la mar. Lis enflourejado soun proun divaricado e porton d'espigueto mistoulino de 2 à 3 mm, amé la glumo de dessouto courteto ( < 0,5 mm), que caup de 2 à 5 flour dis antèro vióuleto e sènso arèsto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Sphenopus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Printèms

Sòu : NaCl
Autour basso e auto : 0 à 50 m
Aparado : Noun
Abriéu à mai

Liò : Sansouiro - Pelouso - Mar
Estànci : Termoumediterran à Coulinen
Couroulougi : Mediterrano-Touranienno
Ref. sc. : Sphenopus divaricatus (L.) C.E.Hubb., 1953

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Urtica urens & Sphenopus divaricatus

Coumpara Ourtigo-brulanto emé uno autro planto

Coumpara Sfenope emé uno autro planto